Rusiyanın Tula vilayətində hərbi hospitalın yerləşdiyi binada yanğın baş verib, 57 nəfər təxliyə edilib. Xəsarət alan olmayıb.

“Sizinxeber.az” TASS-a istinadən xəbər verir ki, bu barədə Tula vilayəti hökumətinin mətbuat xidməti məlumat yayıb.

"Yanvarın 13-də Tulanın Sovetskaya küçəsində yerləşən hərbi hospitalın binasında yanğın baş verib. Hadisə yerində Tula vilayəti Fövqəladə Hallar Nazirliyinin briqadaları işləyir. 57 nəfər təxliyə edilib. Ölən və ya xəsarət alan yoxdur", - məlumatda qeyd olunub.

Mətbuat xidməti əlavə edib ki, Tula vilayətinin qubernatoru Dmitri Milyayevin tapşırığı ilə "hərbi qulluqçuların təxliyəsi və sonrakı yerləşdirilməsi üçün" nəqliyyat təmin edilib.

Moskva Hərbi Dairəsindən əlavə ediblər ki, yanğının ilkin səbəbi elektrik naqillərinin nasazlığıdır: "Hadisənin səbəb və şəraitini araşdırmaq üçün xüsusi komissiya işləyir".

Oxşar xəbərlər

Rusiyada hərbi hospitalda yanğın baş verib - VİDEO

Xırdalanda binada yanğın olub, 23 nəfər təxliyə edilib

Azərbaycanlı milyarderin bazarı yanır: xəsarət alan var

Mahaçqalada yanğın baş verib, 200-dən çox insan təxliyə edilib

Seulda parlament binasında yanğın baş verib, 480 nəfər təxliyə edilib