İranın xarici işlər naziri Abbas Əraqçi Suriyadakı vəziyyəti müzakirə etmək məqsədi ilə Qətərin paytaxtı Dohada səfərdədir.

“Report” xəbər verir ki, məlumatı “Tasnim” agentliyi yayıb.

Məlumata görə, “Doha forumu”nda Abbas Əraqçi ilə yanaşı, Türkiyənin xarici işlər naziri Hakan Fidan və Rusiya XİN başçısı Sergey Lavrov da iştirak edəcək.

A.Əraqçi bundan əvvəl İraqda səfərdə olub. O, Bağdada səfəri zamanı İranın Suriyadakı Bəşşar Əsəd rejimini bütün istiqamətdə müdafiə edəcəklərini bildirmişdi.

Xatırladaq ki, daha əvvəl Türkiyə, Rusiya və İran Suriya məsələsi ilə bağlı Qazaxıstanın Astana şəhərində görüşlər keçirib və fəaliyyətlərini uzlaşdırmaq üçün razılaşma əldə etmişdilər. Bu tədbir “Astana formatı” adlanır.

Oxşar xəbərlər

Türkiyə, İran və Rusiya XİN başçıları ABŞ-də görüşüb

İran XİN başçısı Suriyada səfərdədir

İranın XİN rəhbəri Bəşər Əsədlə görüşüb - YENİLƏNİB

İran və Suriya XİN başçıları regional məsələləri müzakirə ediblər - YENİLƏNİB

Abbas Əraqçi: İran Suriyaya qoşun göndərə bilər