Ermənistan İstintaq Komitəsi saxta investisiya platformalarına əsaslanan irimiqyaslı beynəlxalq dələduzluq sxeminin iştirakçısının həbs edildiyini bildirib.

“Report” xəbər verir ki, bu barədə Ermənistan KİV-i məlumat yayıb.

İstintaqın məlumatına görə, həmin şəxs 2021-2023-cü illərdə azı 144 nəfərdən ibarət mütəşəkkil qrupun fəaliyyətində iştirak edib.

Cinayət sxemi yüksək gəlirli investisiyalar təklif edən saxta saytların yaradılmasından ibarət olub. Dələduzlar insanları aldadaraq onların köçürdükləri vəsaitləri mənimsəyiblər.

Müxtəlif ölkələrdən zərərçəkənlərin ümumi sayı 1 400 nəfəri keçib, ziyanın məbləği isə 810 milyon dramdan (təxminən 2,16 milyon dollar) çox olub.

Onun barəsində cinayət işi açılıb. İş materialları ittiham aktı ilə birlikdə artıq prokurora təqdim edilib.

Oxşar xəbərlər

Ermənistanda tikinti şirkəti büdcəyə 20 milyon dollar ziyan vurub

Ermənistanda Paşinyanın saxta səs yazısı ilə bağlı cinayət işi açılıb

Ermənistanın hərbi sənaye komitəsinin keçmiş sədri külli miqdarda mənimsəmədə ittiham olunur

Ermənistan banklarından 311 min dollardan çox pul oğurlanıb

Azərbaycanın dövlət və ictimai xadimlərinin adından saxta müraciətlər hazırlamaqda təqsirləndirilən şəxslərin məhkəmələri başlayıb