Ukraynanın xarici işlər naziri Andrey Sibirqa bildirib ki, Ukraynanın Rusiya hərbi obyektlərinə endirdiyi zərbələr beynəlxalq hüquqa əsaslanan özünümüdafiə tədbirləridir, Rusiya isə məqsədli şəkildə mülki əhalini və infrastruktur obyektlərini hədəfə alaraq terror aktları həyata keçirir.

Sizinxeber.az xəbər verir ki, nazir bu barədə yaydığı bəyanatda bildirib: “Gecə saatlarında Rusiya Ukraynanın bir hərbi təyyarəni məhv etməsinə cavab olaraq dinc sakinlərə hücum etdi”.

Sibirqanın sözlərinə görə, gecə hücumları nəticəsində Kiyev, Luçk, Lvov, Ternopol, Çerniqov, Kremençuk və digər şəhərlər atəşə tutulub. Çoxmərtəbəli yaşayış binaları və energetika infrastrukturu zərər görüb. Ölkə üzrə ölən və yaralananlar var.

“Ukrayna yalnız legitim hərbi hədəfləri — məsələn, şəhərlərimizi bombalamaq üçün təchiz olunmuş hərbi təyyarələri vurur. Rusiya isə mülki obyektlərə, insanlara və kritik infrastruktur obyektlərinə hücum edir”, – deyə nazir vurğulayıb.

Sibirqa qeyd edib ki, Ukrayna ilə Rusiyanı eyni kontekstdə təqdim etmək qəbuledilməzdir:

“Ukraynanın zərbələri – özünümüdafiədir, Rusiyanın zərbələri isə – açıq-aşkar təcavüz və terror aktıdır”, – deyə o bəyan edib.

Nazir beynəlxalq ictimaiyyəti Moskva üzərində təzyiqləri dərhal artırmağa çağırıb.

“Rusiya tərəfindən bu gecə dinc insanlara qarşı həyata keçirilən hücum bir daha sübut edir ki, beynəlxalq təzyiqlər artırılmalı, terror cavabsız qalmamalıdır”, – deyə Sibirqa əlavə edib.

Oxşar xəbərlər

Ukraynaya gecə hücumları nəticəsində paytaxtda 4 nəfər ölüb, qərb şəhərləri də zərbə altındadır

Rusiya qoşunları Ukraynada daha bir yaşayış məntəqəsini nəzarətə götürüb

Rusiya ordusu Ukraynanın qaz və enerji infrastrukturuna zərbə endirib

Rusiya MN: Ukraynanın qaz enerjisi infrastrukturu obyektlərinə qrup zərbəsi endirilib

Rusiyanın hərbi karvanı Kurskda atəşə tutulub, 26 hərbçi ölüb, 100-dən çoxu yaralanıb