Prezident Volodimir Zelenski Ukrayna Silahlı Qüvvələrində kadr dəyişiklikləri barədə məlumat verib.

"Report"un xəbərinə görə, bu barədə o, axşam çıxışında bildirib.

"Mixail Drapatıy xüsusi olaraq döyüş məsələlərinə diqqət yetirəcək və Birləşmiş Qüvvələr komandiri təyin edilib ki, o, cəbhə ilə məşğul ola bilsin. Quru qoşunları sisteminə, xüsusən təlim, hazırlıq və bununla bağlı digər vəzifələrə gəlincə, onlarla başqa şəxs məşğul olacaq", - Zelenski bildirib.

Onun sözlərinə görə, Oleq Apostol Hava Desant Hücum Qüvvələrinin yeni komandiri, Robert Brovdi isə Pilotsuz Sistemlər Qüvvələrinə rəhbəri olub. Həmçinin Vadim Suxarevski “Sxid” operativ komandanlığı komandirinin müavini, İqor Skibyuk isə Baş Qərargah rəisinin müavini təyin edilib.

Oxşar xəbərlər

Zelenski Ukrayna Silahlı Qüvvələrinin Quru Qoşunlarına yeni komandan təyin edib

Zelenski Ukraynanın diplomatik korpusunda kadr dəyişikliyi edib

Zelenski Rusiya ilə danışıqlar üçün Ukrayna nümayəndə heyətinin tərkibini təsdiqləyib