ABŞ-nin dövlət katibi Antoni Blinken ABŞ-nin Rusiya ilə birbaşa toqquşmaya yaxın olduğunu düşünmür.

“Report” xəbər verir ki, bunu diplomat “The New York Times” qəzetinə müsahibəsində bildirib.

“Biz narahatlıqlarımızı elə bir şəkildə həll etdik ki, bu bizi Rusiya ilə birbaşa münaqişədən çəkindirib. Birbaşa münaqişəyə gəldikdə, düşünmürəm ki, biz ona yaxınıq, lakin buna çox diqqətlə yanaşmalıyıq”, – o vurğulayıb.

Blinken həmçinin qeyd edib ki, Amerika vətəndaşları ABŞ-nin hərbi münaqişələrdə birbaşa iştirakını istəmirlər.

“Amerikalılar bizim müharibələrdə iştirak etməməyimizi və münaqişələrdən qaçmağımızı istəyirlər”, – o hesab edir.

2024-cü ilin dekabrında RF Təhlükəsizlik Şurasının sədr müavini Dmitri Medvedev qeyd edib ki, Rusiya və ABŞ yaxın əsrdə dost olmayacaqlar, bir-biri ilə müharibə etmək isə hər cəhətdən bahadır. O, iki ölkə arasında birbaşa münaqişənin “aşkar şəkildə dünya nüvə müharibəsinə çevriləcəyini” göstərib.

Oxşar xəbərlər

Vuçiç: Qərb Rusiya ilə birbaşa hərbi münaqişəyə hazırlaşır

Dmitri Medvedev: Ukrayna Rusiya ərazisidir

Ryabkov: Rusiya NATO ilə birbaşa hərbi qarşıdurmadan çəkinməyə çalışır

Rəsmi Moskva: Yaxın Şərqdəki vəziyyətə görə Vaşinqton birbaşa məsuliyyət daşıyır

Blinken: G7 Yaxın Şərq nizamlanması istiqamətində fəaliyyətini davam etdirəcək