NATO üzvləri Ukraynaya təhlükəsizliyi üçün 40 milyard avroluq maliyyə vədini yerinə yetirmək istiqamətində çalışırlar.

"Report" xəbər verir ki, bunu alyansın Baş katibi Mark Rutte mətbuat konfransında deyib.

O qeyd edib ki, NATO-nun Ukraynaya yardımı bu ilin sonuna kimi çatdırılmasını gözləyir:

"Ancaq biz Ukraynaya mübarizəsində dəstək olmaq üçün daha çox kömək etməliyik. Çünki Ukrayna mülki əraziləri və kritik infrastrukturu hədəf alan amansız bombardmanlarla üzləşir. Biz bu münaqişənin trayektoriyasını birdəfəlik dəyişmək üçün kifayət qədər dəstək verməliyik".

Baş katib Aİ-nin xarici işlər və təhlükəsizlik siyasəti üzrə yeni ali nümayəndəsi Kaya Kallasın dəstəyindən də söz açıb:

"Dünən bizim sıralarımıza Aİ-nin yeni ali nümayəndəsi Kayak Kallas da qoşuldu. Aİ bizim üçün vacib tərəfdaşdır və biz Ukraynaya dəstəyimizdən tutmuş müdafiə istehsalının artırılmasına qədər bir sıra məsələlərdə əməkdaşlıq edirik. Biz təhlükəsizlik və kibertəhlükəsizlik istiqamətində Aİ ilə sıx əməkdaşlıq edəcəyik".

M.Rutte jurnalistin Ukraynanın alyansa üzv olması ilə bağlı sualına cavab olaraq isə diqqətə çatdırıb ki, hazırda NATO-ya doğru körpü inşa edilir:

"Unutmayaq ki, 2008-ci ildə artıq Buxarestdə Ukraynanın gələcəyinin NATO-da olacağı barədə qərar var idi. Biz Vaşinqtonda NATO-ya doğru dönməz yol haqqında qərar qəbul etdik. 2022-ci ilin əvvəlindən isə ölkələr Ukrayna ilə ikitərəfli müqavilələr üzərində işləyirlər ki, onun mövqeyini gücləndirsinlər. Ukrayna güclü mövqedə olmalıdır ki, Rusiya ilə danışıqlardan istədiyini ala bilsin".

Oxşar xəbərlər

Aİ liderləri Ukraynaya 50 milyard avroluq yardım proqramını təsdiqləyiblər

Cənubi Koreya Ukraynaya 2,3 milyard dollar maliyyə yardımı ayıracaq

NATO-nun Baş katibi: Ukraynaya daha çox hərbi yardım göstərilməsi üçün əlimizdən gələni etməliyik

Stoltenberq: NATO Ukraynadakı münaqişədə tərəf olmayacaq

NATO Baş katibi Almaniyada səfərdədir