Yunanıstan və Danimarka şahzadəsi, tarixçi və yazıçı Maykl 85 yaşında paytaxt Afinada xəstəxanada vəfat edib.

"Report" xəbər verir ki, bu barədə AFP agentliyi məlumat yayıb.

Şahzadə 1939-cu il yanvarın 7-də anadan olub. O, yunan kralı I Georgenin sonuncu nəvəsi idi. Kral II Konstantinin 1967-ci ildə bir neçə ay hakimiyyəti ələ keçirmiş “qara polkovnikləri” devirmək üçün uğursuz cəhdindən sonra o, kral ailəsinin ölkəni tərk etməyən yeganə üzvü olub.

Şahzadə Mayklın atası, Yunanıstan və Danimarka şahzadəsi Kristofer (1888-1940) Kral I George və Kraliça Olqanın beşinci oğlu idi.

Agentlik yazır ki, Yunanıstan və Danimarka şahzadəsi 1970-ci ildən bəri onlarla əsər də nəşr edib. O, tarixi xarakterli mövzulara üstünlük verib, eyni zamanda kral ailə üzvlərinin tərcümeyi-hallarını yazıb.

Oxşar xəbərlər

Kral III Çarlz xərçəng diaqnozundan sonra gələn həftə vəzifələrinə davam edəcək

İspaniya Kral Kubokunda 1/4 final mərhələsinin püşkü atılıb

Ronaldu "Əl-Nəsr"i Səudiyyə Ərəbistanı Kral Kubokunun finalına çıxarıb

Kral III Çarlz Muxtar Babayevi qəbul edib

Danimarka millisinin üzvü Bundesliqada çıxış edəcək