Macarıstan Aİ-nin Gürcüstan diplomatları və rəsmilərinə vizasız gediş-gəlişi dayandırmaq qərarına əməl etməyəcək

Macarıstan Avropa İttifaqının Gürcüstan diplomatları və rəsmilərinə vizasız gediş-gəlişi dayandırmaq qərarına əməl etməyəcək.

APA-nın Tbilisi müxbiri xəbər verir ki, bu barədə Macarıstanın xarici işlər naziri Peter Siyarto deyib.

"Macarıstan Gürcüstanla xidməti və diplomatik pasportların vizadan azad edilməsinə dair sazişi dayandırmayacaq, çünki Macarıstan hökuməti hesab edir ki, Gürcüstanın gələcəyi Gürcüstanda həll olunmalıdır və gürcülər dəqiq qərar veriblər, bu Brüsselin xoşuna gəlsə də, gəlməsə də" – deyə Siyarto bildirib.