Türkiyə Silahlı Qüvvələri PKK terror təşkilatının 13 üzvünü məhv edib

Türkiyə Silahlı Qüvvələri İraqın şimalında yeni əməliyyat keçirib.

APA xəbər verir ki, bu barədə Türkiyənin Milli Müdafiə Nazirliyi məlumat yayıb.

Qeyd olunub ki, Hakurk, Qara və Metina əməliyyat bölgələrində keçirilən əməliyyatlar nəticəsində PKK terror təşkilatının 13 üzvü öldürülüb.

Nazirlik terrorçulara qarşı əməliyyatın qətiyyətlə davam etdiriləcəyini bildirib.