Fransa Peşəkar Futbol Liqasının (LFP) Hüquq Komitəsi PSJ-nin sabiq hücumçusu Kilian Mbappeyə maaşının ödənməmiş hissəsini - 55 milyon avronu tam ödəməli olduğuna dair qərar çıxarıb.

“Report” xəbər verir ki, bu barədə “Le Parisien” nəşri mənbələrə istinadən məlumat yayıb.

Məlumata görə, Paris klubu Mbappeyə bu məbləği 8 il ərzində ödəməlidir.

Xatırladaq ki, Mbappe daha əvvəl PSJ-dən ona 2024-cü ilin aprel, may və iyun ayları üçün maaş və bonusları ödəməyi tələb etmişdi. Sentyabrın 11-də LFP Hüquq Komitəsi tərəfləri borc məsələsini məhkəmədən kənar həll etməyə çağırsa da, futbolçu bundan imtina edib.

Qeyd edək ki, Mbappe 2018-ci ildən PSJ-də çıxış edib və bu yay klubla müqaviləsi başa çatandan sonra “Real Madrid”ə keçib.

Oxşar xəbərlər

PSJ Mbappeyə 100 milyon avro borcludur

Mbappenin “Real Madrid”dəki maaşı bəlli olub

Kilian Mbappenin "Real"da geyinəcəyi forma nömrəsi bəlli olub

PSJ prezidenti: Mbappe ilə bütün danışıq aramızda qalacaq

Mbappe Afrika Kubokunda oynaya biləcək ən bahalı futbolçuların lideridir