Azərbaycanın bayrağını ucalara qaldırdığım üçün fəxr edirəm.

“Sizinxeber.az” xəbər verir ki, bunu Slovakiyanın paytaxtı Bratislavada keçirilən Avropa çempionatında qızıl medal qazanan Azərbaycanın sərbəst güləşçisi Giorgi Meşvildişvili deyib.

125 kq çəki dərəcəsində uğura imza atan təmsilçimiz fəxri kürsünün ən yüksək pilləsinə qalxdığı üçün xoşbəxt olduğunu söyləyib:

"Final görüşüm həqiqətən çətin keçdi. Lakin sonda qalib olduğum üçün sevincliyəm. Mənə dəstək olan hər kəsə, o cümlədən Azərbaycan Güləş Federasiyasına öz minnətdarlığımı bildirirəm. Çalışdım ki, verilən tapşırıqların öhdəsindən layiqincə gəlim. Azərbaycanın bayrağını ucalara qaldırdığım üçün fəxr edirəm".

Qeyd edək ki, Giorgi Meşvildişvili finalda Solomon Manaşvilini (Gürcüstan) məğlub edərək qızıl medala sahib çıxıb. Ümumilikdə yarışı 1 qızıl, 1 gümüş və 4 bürünc medalla başa vuran yığma 119 xalla komanda hesabında birinci yeri tutub.

Oxşar xəbərlər

Azərbaycan güləşçisi Avropa çempionu olub

Giorgi Meşvildişvili: “Qazandığım medal mənim üçün qızıla bərabərdir”

Avropa çempionatı: Azərbaycanın iki güləşçisi finala yüksəlib

Avropa çempionatı: Azərbaycanın iki qadın güləşçisi mübarizəyə başlayır, biri medal görüşünə çıxacaq

Avropa çempionatı: Azərbaycan güləşçisi gümüş medala sahib çıxıb