Beynəlxalq Çövkən Federasiyasının (ICF) prezidenti Bəhruz Nəbiyev Argentinanın paytaxtı Buenos-Ayresdə keçirilən Beynəlxalq Polo Federasiyasının (FIP) Baş Assambleyasında iştirak edib.

"Report"un Peşəkar Çövkən Liqasının mətbuat xidmətinə istinadən məlumatına görə, assambleyada FIP-ə üzv ölkələrin nümayəndələri ilə yanaşı, ICF-nin baş katibi Makey Olbriks xüsusi qonaq qismində iştirak ediblər.

Tədbirə virtual şəkildə qatılan B.Nəbiyev çövkən və polonun oxşarlığını vurğulayıb, bu iki idman növünü dünyada tanıtmaq üçün birgə strategiyanın hazırlanmasının vacibliyini bildirib.

Tədbir çərçivəsində M.Olbriks FIP prezidenti Pyerro Dillier və qurumun baş direktoru Alexandro Teylor ilə görüşərək, hər iki fedrasiya arasında dostluq memorandumunun hazırlanması üzrə müzakirələr aparıb.

Xüsusilə Bakıda çövkən üzrə dünya çempionatının təşkil edilməsi ideyası böyük maraqla qarşılanıb.

Bu assambleya polo və çövkən icmaları arasında əlaqələrin möhkəmləndirilməsi, qarşılıqlı inkişafın təşviqi və hər iki idman növünün dünyada tanınması istiqamətində mühüm addım kimi qiymətləndirilir.

Oxşar xəbərlər

ARAF rəsmisi Beynəlxalq Çövkən Federasiyasının prezidenti seçilib

Peşəkar Çövkən Liqasının IV turunun növbəti oyunları keçirilib

Şöbə müdiri: “Dünya çempionatının Heydər Əliyevin yubileyi ərəfəsində Bakıda keçirilməsi tarixi hadisədir”

Elçin Quliyev yenidən bu federasiyanın prezidenti oldu

Qış İdman Növləri Federasiyasının baş katibi: "Bizim üçün bu tədbir önəmli idi"