Son günlərdə Ermənistan seqmentinə aid media qurumları Rusiya vətəndaşı Zahirəddin İbrahimovun DTX-nın əməliyyat tədbirləri ilə ələ keçirilərək Bakıya aparıldığını yayımlayır.

APA xəbər verir ki, Azərbaycandakı etnik azlıqların hüquqlarının müdafiəsi komitəsinin sədri kimi təqdim edilən Zahirəddin İbrahimov Yekaterinburq şəhərində yaşayıb, illər ərzində Ermənistanın paytaxtında təşkil edilən saxta tədbirlərdə Azərbaycan əleyhinə çıxışlar edib.

O, 2005-2020-ci illərdə Ermənistanda keçirilmiş qondarma konfranslarda Azərbaycan Respublikasının əleyhinə saxta ittihamlar səsləndirib qərəzli bəyanatlar verib, Azərbaycanda separatizmi alovlandırmaq məqsədilə Ermənistanın müvafiq strukturlarının tapşırıqlarını yerinə yetirib.

Bir müddət əvvəl məsələ ilə bağlı mətbuata açıqlama vermiş vəkil Səyyarə Əliyeva müvəkkili olduğu Z.İbrahimovun həqiqətən DTX-nın istintaq təcridxanasına yerləşdirildiyini təsdiq edib. Bildirib ki, Z.İbrahimov dindirilərkən Ermənistanla əlaqələrini və digər məsələləri etiraf edib.

Rusiya vətəndaşı olan Zahirəddin İbrahimovun ələ keçirilərək Azərbaycana gətirildiyi xüsusi əməliyyat tədbirlərinin detalları hələlik ictimaiyyətə açıqlanmayıb.

Lakin, onun da Ruben Vardanyan və Arayik Harutyunyan kimilərlə yanaşı DTX-nın istintaq təcridxanasında saxlanıldığı, Azərbaycanın ərazi bütövlüyü əleyhinə yönəlmiş cinayətlərə görə digərləri kimi cavab verəcəyi artıq məlumdur.

“Konstitusiya və Suverenlik İli” elan edilmiş 2025-ci ildə uzun müddət ərzində düşmən dövlətin separatizm təbliğatının əsas aləti olmuş Zahirəddin İbrahimovun ələ keçirilərək ölkəyə gətirilməsi dövlətimizin konstitusiya quruluşu və ərazi suverenliyi əleyhinə iş aparmağa cürət edən hər kəsə aydın bir mesajdır.

APA məsələ ilə DTX-nın Mətbuat xidmətinə sorğu ünvanlayıb. Mövzunu diqqətdə saxlayacağıq.

Oxşar xəbərlər

Səbinə Əliyeva Avropa Uşaq Ombudsmanları Şəbəkəsinin 28-ci illik konfransı və Baş Assambleyasında iştirak edib

İstanbulda 3 Türkmənistan vətəndaşı saxta spirtli içkidən ölüb

Ombudsman Xocalıda aşkarlanan kütləvi məzarlıqla bağlı çağırış edib

İcma: Ermənistan böhtan və nifrət dolu bəyanatlar vermək əvəzinə, irqçiliyə və mono-etnik siyasətə son verməlidir

Adam bıçaqlamaqda təqsirləndirilən keçmiş diplomata hökm oxunub