Azərbaycanın energetika nazirinin müavini Orxan Zeynalov NATO-nun Baş katibinin müavini ilə Azərbaycanın enerji təhlükəsizliyinə töhfələri və yaşıl enerjiyə keçidi müzakirə edib.

“Report” xəbər verir ki, bu barədə Azərbaycanın NATO yanında nümayəndəliyinin mətbuat xidməti bildirib.

“Azərbaycan – NATO enerji təhlükəsizliyi dialoqu çərçivəsində Azərbaycan Respublikasının energetika nazirinin müavini Orxan Zeynalov NATO-nun qərargahında NATO Baş katibinin innovasiya, hibrid və kiber məsələləri üzrə müavini Ceyms Appaturai ilə görüşüb”, – nümayəndəliyin sosial şəbəkə hesabında qeyd olunub.

Bildirilib ki, tərəflər Azərbaycan – NATO tərəfdaşlığı, Azərbaycanın NATO müttəfiqləri və tərəfdaşlarının enerji təhlükəsizliyinə, eləcə də Aİ-yə verdiyi töhfələr, yaşıl enerjiyə keçid və qarşılıqlı maraq doğuran digər məsələləri müzakirə ediblər.

Oxşar xəbərlər

Azərbaycan və Sloveniyanın NATO-dakı nümayəndələri Bakının enerji təhlükəsizliyinə töhfəsini müzakirə ediblər

Hikmət Hacıyev NATO baş katibinin müavini ilə görüşüb

Azərbaycan-NATO əməkdaşlığının inkişaf perspektivləri müzakirə olunub

NATO Baş katibinin müavini: Azərbaycanla tərəfdaşlığı yüksək qiymətləndiririk

NATO mənzil-qərargahında Azərbaycanla tərəfdaşlıq müzakirə olunub