Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Prezidentin xüsusi nümayəndəsi Emin Hüseynov Ağdamda 59 kəhriz kompleksinin mövcud olduğunu bildirib.

"Report"un məlumatına görə, o, Ağdam Konfrans Mərkəzində Əlaqələndirmə Qərargahının İdarələrarası Mərkəzinin nəzdində fəaliyyət göstərən ekoloji məsələlər üzrə işçi qrupunun iclası çərçivəsində jurnalistlərə açıqlamasında deyib ki, 56 min hektardan artıq meşə fondu işğal dövründə məhv edilib.

E.Hüseynov vurğulayıb ki, hazırda azad edilən ərazilərdə bərpa-quruculuq işləri zamanı dağıdılmış kəhrizlərə rast gəlinir: "Təkcə Ağdamda 59 kəhriz kompleksi mövcuddur. Bu kəhrizlər gələcəkdə yaşayış üçün olduqca önəmli su mənbəyidir. Onların bərpası bərpa-quruculuq prosesində effektiv rol oynaya bilər. Bərpa olunan kəndlərin ekologiyaya ziyan vurmadan suvarma suyu ilə təminatı, ərazilərdə mövcud müxtəlif çoxsaylı yataqlardan, geoloji ehtiyatlardan istifadə bərpa prosesində önəmli məsələlərdəndir".

Xüsusi nümayəndə qeyd edib ki, Ağdamda artıq yerli yataqlardan istifadə olunur: "Bərpa olunan kəndlərdə bu yataqlardan çıxarılan tikinti materialları - Ağdamın məşhur ağ daşı artıq istehsal olunaraq tikinti şirkətlərinə verilir. Tikinti layihələrində istifadə olunur. Bu ehtiyatlar daha geniş və dayanıqlı istismar layihələrinin icra müddətini qısaldacaq, məsrəfləri azaldacaq, eyni zamanda quruculuq işlərini sürətləndirəcək".

Oxşar xəbərlər

Ağdam şəhərində 5 məhəllənin salınması nəzərdə tutulub

Ağdamda İşğal və Zəfər Muzey Komplekslərində tağvari hasar tikiləcək

Ağdamda inşa ediləcək İşğal və Zəfər Muzey Komplekslərində xüsusi tağvari hasar tikiləcək

Ağdam şəhərində beşinci yaşayış kompleksinin təməli qoyulub

Əlaqələndirmə və monitorinq üzrə İşçi Qrupunun növbəti iclası keçirilib