Bosniya və Herseqovina yığması Qətərlə matçda qələbəyə layiq idi.
"Report" xarici mediaya istinadən xəbər verir ki, Avropa təmsilçisinin baş məşqçisi Serqey Barbarez DÇ-2026-nın qrup mərhələsində Qətərə qarşı keçirilən oyundan sonra deyib.
Mütəxəssis qələbənin sevindirici olduğunu bildirib:
"Bu gün komandamın çıxışından çox razı qaldım. Oyunun böyük hissəsində təşəbbüs bizim tərəfimizdə idi və qələbəyə layiq olduğumuzu düşünürəm. Futbolçular meydanda xarakter göstərdilər, təzyiq altında olsalar da, oyun planına sadiq qaldılar. Qrup mərhələsini qələbə ilə başa vurmaq vacib idi. İndi isə diqqətimizi növbəti mərhələyə yönəldəcəyik və digər nəticələri gözləyəcəyik".
Qeyd edək ki, Bosniya və Herseqovina yığması Qətər üzərində 3:1 hesablı qələbə qazanıb.
