Mayın 17–22-də Bakıda keçiriləcək Ümumdünya Şəhərsalma Forumunun 13-cü sessiyası (WUF13) çərçivəsində nəqliyyatın təşkili ilə bağlı əlavə tədbirlər görüləcək.

Sizinxeber.az xəbər verir ki, bu barədə keçirilən brifinqdə WUF13 Azərbaycan Əməliyyat Şirkətinin Nəqliyyat şöbəsinin müdiri Vüqar Aslanov məlumat verib.

Onun sözlərinə görə, forum günlərində "Koroğlu" metrostansiyasının yaxınlığında yerləşən nəqliyyat habından K1 marşrutu üzrə avtobuslar 24 saat fasiləsiz fəaliyyət göstərəcək.

V.Aslanov bildirib ki, iştirakçıların tədbir məkanına rahat çatdırılması məqsədilə şəhər üzrə 9 nəqliyyat mübadilə mərkəzi müəyyən edilib. Bundan əlavə, 2 yeni şəhərdaxili müntəzəm avtobus xətti istifadəyə veriləcək.

Qeyd olunub ki, ümumilikdə 67 dayanacaqdan istifadə planlaşdırılır. Hava limanı istiqamətində isə 6 müntəzəm avtobus xətti fəaliyyət göstərəcək.

Oxşar xəbərlər

WUF13-lə bağlı Bakının rəqəmsal nəqliyyat xəritəsi təqdim olunub

Azərbaycanla BMT arasında WUF13-lə bağlı saziş TƏSDİQLƏNDİ

WUF13 zamanı nəqliyyat üçün əsas istifadə olunacaq obyektlər açıqlanıb

Əməliyyat Şirkəti: WUF13 zamanı daşımalar üçün 171 ədəd elektrikli avtobus seçilib