COP29 çərçivəsində "Şinel" tamaşası nümayiş ediləcək

N.V.Qoqolun eyniadlı əsərinin motivləri əsasında hazırlanmış "Şinel" tamaşası nümayiş ediləcək.

Bu barədə APA-ya Mədəniyyət Nazirliyindən məlumat verilib.

Qeyd edilib ki, tamaşa COP29 çərçivəsində Azərbaycan Dövlət Pantomima Teatrı tərəfindən nümayiş ediləcək.

Səhnə əsəri 14 noyabr saat 19:00-da Azərbaycan Dövlət Akademik Rus Dram Teatrında oynanılacaq.