Kreml Krım körpüsü yaxınlığında partlayış faktını təsdiqləyib.

“Report” Rusiya KİV-inə istinadən xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərə bildirib.

"Partlayış həqiqətən baş verib, lakin heç nə zədələnməyib, körpü işləyir", - o qeyd edib.

Peskov ehtiyat tədbirlərinin görüldüyünü diqqətə çatdırıb.

O, həmçinin deyib ki, Rusiyanın hərbi aerodromlarına dron hücumlarının araşdırılması üçün bütün lazımi tədbirlər görüləcək.

Rusiyanın Qazaxıstana müraciət edərək partlayışda şübhəli bilinən Artyom Timofeyevin ekstradisiyasını tələb etmək niyyətində olub-olmadığı barədə sualını şərh edən Peskov bütün lazımi addımların atılacağını deyib.

"Bu, daha çox baş verənləri araşdıran xüsusi xidmət orqanlarımızın cavablandıracağı sualdır", - o bildirib.

Oxşar xəbərlər

Kreml Marseldəki Rusiya Baş konsulluğundakı partlayışa münasibət bildirib

Peskov: Kreml Ciddədəki ABŞ-Ukrayna danışıqları barədə Rusiyanın məlumatlandırılmasını gözləyir

Peskov: Kreml Paşinyanla qətiyyən razı deyil

Kreml Rusiyaya qarşı Aİ bəyanatlarını qarşıdurma xarakterli hesab edir

Kreml Yaponiyanın Rusiyaya qarşı mövqeyini qeyri-dost hesab edir