Radikallar siyasətdən uzaqlaşdırıldıqdan sonra Gürcüstan cəmiyyəti birləşəcək.

"Report"un Gürcüstan bürosunun məlumatına görə, bunu ölkənin Baş naziri və “Gürcü Arzusu” partiyasının sədri İrakli Kobaxidze deyib.

Baş nazir bildirib ki, radikal qruplar Gürcüstanın siyasi həyatından uzaqlaşdırıldıqdan sonra ölkə daxilindəki nifrət və parçalanma meyilləri də aradan qalxacaq.

“Bu, çox yaxın zamanda baş verəcək. Biz mütləq nifrətə qalib gələrək itirilmiş həmvətənlərimizi geri qaytaracağıq və gürcü cəmiyyətini birləşdirəcəyik. Bu, bizim milli vəzifəmizdir”, – o vurğulayıb.

İ.Kobaxidze qeyd edib ki, kənardan gürcülərin bir-birinə və dövlət institutlarına qarşı nifrətə təşviq olunma cəhdləri var və bu, ölkənin əsas dəyərlərinə qarşı yönəlib:

“Biz heç kimin gürcü cəmiyyətini nifrətlə parçalamasına imkan verməyəcəyik. Cəmiyyəti məhəbbətlə birləşdirəcəyik. Birləşmə həm də Gürcüstanın ərazi bütövlüyünün bərpasıdır - Abxaziya və Cənubi Osetiyanın sülh yolu ilə vahid gürcü dövlətinə qayıtmasıdır. Sevgi nifrətə, xeyir şərə, həqiqət isə yalana qalib gələcək”.

Oxşar xəbərlər

Baş nazir İrakli Kobaxidze “Gürcü Arzusu”nun sədri seçildi

İrakli Kobaxidze “Gürcü Arzusu”nun yaradıcısına qarşı sanksiyaları pisləyib

Kobaxidze: 36 il keçsə də, xarici güc Rustaveli prospektində yenə zorakılıq tətbiq edir

Gürcüstanın Baş naziri postuna İrakli Kobaxidzenin namizədliyi irəli sürülüb

İrakli Kobaxidze Gürcüstana verdiyi dəstəyə görə İlham Əliyevə təşəkkür edib