Ermənistanın sabiq prezidenti Armen Sarkisyanın xarici vətəndaşlığı ilə bağlı iş üzrə ilkin istintaq davam edir.

“Sizinxeber.az” Ermənistan KİV-inə istinadən xəbər verir ki, bu barədə İstintaq Komitəsi məlumat yayıb.

Lakin qurum heç bir təfərrüatı açıqlamayıb.

Daha əvvəl işin Milli Təhlükəsizlik Xidmətindən İstintaq Komitəsinə ötürüldüyü məlum olmuşdu.

Xatırladaq ki, Armen Sarkisyan 2018-2022-ci illərdə Ermənistanın prezidenti olub. 2022-ci ilin yanvarında o, istefa verib və ölkədəki siyasi proseslərə təsir etmək üçün kifayət qədər səlahiyyətlərinin olmadığını bildirib.

İstefa bəyanatından bir gün sonra “Hetq.am” nəşri Sarkisyanın prezident seçilməzdən əvvəl Sent-Kits və Nevis - kiçik Karib dövlətinin vətəndaşlığına sahib olduğu barədə məlumat yayıb.

Nəşrin məlumatına görə, o, bunu 500 min dollar məbləğində investisiya müqabilində əldə edib. Ermənistan Konstitusiyasına görə, xarici vətəndaşlığın olması prezident seçilmək hüququndan məhrum edir.

Oxşar xəbərlər

Ermənistan İstintaq Komitəsinin idarə rəisi istefa verib

İrəvandakı iğtişaşlarla bağlı cinayət işi açıldı

Serj Sarkisyanın qardaşının əmlakı müsadirə oluna bilər

Serj Sarkisyanın diplomat kürəkəni dövlətə 350 milyon dollar ziyan vurmaqda günahlandırılır

Ermənistan İstintaq Komitəsindən ötən il 13 müstəntiq qovulub