Fatimə Möhəcərani: Mülki aviasiya uçuşları bu gün ən təhlükəsiz bölgələrdən bərpa ediləcək

İranın yol və şəhərsalma naziri Fatimə Möhəcərani İran dövlət televiziyasına müsahibəsində bildirib ki, mülki aviasiya uçuşları bu gündən etibarən tədricən "ən təhlükəsiz bölgələrdən" bərpa ediləcək.

Bu barədə “Sizinxeber.az” İran mediasına istinadən xəbər verir.

Eyni zamanda, daha əvvəl bildirilmişdi ki, İran hakimiyyəti ölkənin hava məkanında mülki aviasiya uçuşlarına qoyulan qadağanı 26 iyun yerli vaxtla saat 14:00-a qədər uzatmaq qərarına gəlib.

"Son hadisələrlə əlaqədar olaraq, eləcə də sərnişinlərin və aviareyslərin təhlükəsizliyini təmin etmək məqsədilə ölkənin hava məkanı cümə axşamı saat 14:00-a qədər bağlı olacaq", - Yol və Şəhərsalma Nazirliyinin nümayəndəsi Məcid Əhəvan “Mehr” agentliyinə müsahibəsində bildirib.