Gürcüstanın Baş naziri İrakli Kobaxidze bildirib ki, Gürcüstan cəmiyyətinə nifrət deyil, sakitlik və sağlam qarşılıqlı münasibətlər lazımdır.

"Report"un Gürcüstan bürosu xəbər verir ki, Baş nazir bu barədə Budapeştdə gürcü jurnalistlərə açıqlamasında danışıb.

O təəssüflə qeyd edib ki, Avropa bürokrasiyası tərəfindən nifrəti təşviq edən addımlara şahid olurlar.

"Bəzən səfirlər də bu proseslərə cəlb olunur. Gürcü cəmiyyətinə bu nifrətin bir şəkildə sona çatması lazımdır. Biz bütün tərəfləri, o cümlədən Avropa səfirlərini Gürcüstanda nifrət və düşmənçiliyin təşviqindən çəkinməyə çağırırıq. Bu, bizim cəmiyyətə qətiyyən lazım deyil. Gürcü cəmiyyətinə sakitlik və bir-birinə qarşı sağlam münasibət lazımdır”, - deyə Baş nazir vurğulayıb.

Oxşar xəbərlər

İrakli Kobaxidze: Radikallar siyasətdən uzaqlaşdırıldıqdan sonra Gürcüstan cəmiyyəti birləşəcək

Baş nazir İrakli Kobaxidze “Gürcü Arzusu”nun sədri seçildi

Kobaxidze: Gürcüstanda QHT-lər xarici donorlardan aldıqları maliyyədən iki dəfə çox vəsait alacaqlar

Kobaxidze: Aİ-yə üzvlüklə bağlı danışıqlara başlamaq Gürcüstan üçün vacib deyil

İrakli Kobaxidze Gürcüstana verdiyi dəstəyə görə İlham Əliyevə təşəkkür edib