Rusiya xarici işlər nazirinin müavini Mixail Qaluzinlə Ermənistan parlamentinin sədr müavini, Türkiyə ilə münasibətlərin normallaşması üzrə xüsusi nümayəndəsi Ruben Rubinyan arasında telefon danışığı olub.

Sizinxeber.az xəbər verir ki, bu barədə məlumatı Rusiya Xarici İşlər Nazirliyi yayıb.

Telefon söhbəti zamanı, rəsmi Moskva bir daha İrəvanla Ankara arasında ortaq nöqtələrin tapılmasına bundan sonra da vasitəçilik etmək niyyətini açıqlayıb.

Bildirilib ki, iki ölkənin əlaqələrinin normal məcraya qayıtması Cənubi Qafqazda sabitlik və dayanıqlı inkişafın əsas faktorudur.

Öz növbəsində, Rubinyan Rusiya tərəfini normallaşma ətrafında gedən proseslər barədə məlumatlandırıb.

Hər iki ölkənin rəsmiləri, həmçinin, ikitərəfli münasibətlərə dair bir sıra məsələləri, habelə Cənubi Qafqazda “3+3” (Azərbaycan, Ermənistan, Gürcüstan, üstəgəl, Rusiya, İran, Türkiyə) formatı çərçivəsində əməkdaşlıq məsələlərini də nəzərdən keçirib.

Fikir mübadiləsinin konstruktiv dialoq şəraitində keçdiyi vurğulanıb.

Oxşar xəbərlər

Lavrovun müavini HAMAS rəhbərliyi ilə telefon danışığı aparıb

Toivo Klaar: Xüsusi nümayəndələrin görüşü Cənubi Qafqazın daha sabit olması üçün vacib elementdir

Rusiya və Türkiyə diplomatları Ermənistanla münasibətlərin normallaşmasını müzakirə ediblər

Lavrovun müavini: Rusiya Azərbaycan-Ermənistan sərhədinin tezliklə delimitasiyasının tərəfdarıdır

Ermənistan parlamentinin vitse-spikeri və Aİ rəsmisi Azərbaycanla normallaşma prosesini müzakirə edib