Fransa Prezidenti Emmanuel Makronun Moskva ilə qarşıdurma və nüvə silahından istifadə ilə bağlı açıqlamaları Rusiyanın ünvanına təhdiddir.

APA-nın Moskva müxbiri xəbər verir ki, bunu Rusiya xarici işlər naziri Sergey Lavrov bildirib.

Rusiya XİN başçısı onu da qeyd edib ki, Makron Putinə zəng edə bilər, heç kim ona mane olmur.

“Makronun Putinə zəng etmək imkanı var, Rusiyanın Avropaya qarşı müharibə hazırlaması ilə bağlı ittihamlar cəfəngiyyatdır”, - Lavrov qeyd edib.

O, Makronun Napoleon Bonapart və Adolf Hitler kimi “Rusiyanı fəth etmək niyyət”inə diqqət çəkib: “Lakin Fransa Prezidentindən fərqli olaraq onlar heç olmasa Rusiyanı fəth etmək niyyətlərini birbaşa bəyan ediblər. Bu, əlbəttə ki, təhdiddir. Rusiyaya qarşı döyüşmək istəyən sələflərindən fərqli olaraq, cənab Makron çox zərif davranmır”.

Qeyd edək ki, Makron Rusiya təhlükəsi ilə əlaqədar Avropa ölkələrini Fransanın nüvə çətirinin altına qəbul edilməsi imkanları ilə bağlı müttəfiqləri ilə müzakirələrə başlayacağını bildirib.

Oxşar xəbərlər

XİN başçısı: Makronun nüvə ritorikası Rusiyaya qarşı təhdiddir

Lavrov: Makronun Durovun həbsi ilə bağlı fikirləri şübhə doğurur

Lavrov: Moskva istənilən ssenariyə hazırdır

Lavrov: Rusiyanın "qırmızı xətləri" ilə zarafat etmək lazım deyil

Rəsmi Moskva Avropa sülhməramlılarının Ukraynada yerləşdirilməsini istisna edib