ABŞ "Abrams" tanklarının ikinci partiyasını Tayvana verib

ABŞ Tayvana “M1A2T Abrams” tanklarının ikinci partiyasını göndərib.

“Report” xəbər verir ki, bu barədə “Taipei Times” qəzeti məlumat yayıb.

Nəşrin məlumatına görə, 42 tank bazar günü göndərilib və adanın şimal-qərbindəki Sinçju əyalətindəki tank təlimi bölməsinə köçürülüb.

Qeyd edək ki, 2,2 milyard dəyərində 108 ədəd “Abrams” tankının satışına dair razılaşma 2019-cu ildə Tayvanın müdafiə qabiliyyətinin gücləndirilməsi səyləri çərçivəsində Vaşinqton tərəfindən təsdiqlənib. 38 avtomobildən ibarət ilk partiya 2024-cü ilin sonunda təhvil verilib və artıq “Hanquan-2025” təlimləri zamanı istifadə olunub.

Üçüncü və son partiyanın (28 tank) 2026-cı ildə verilməsi gözlənilir.