Yeni Zelandiya Ukraynaya 9,5 milyon dollar dəyərində yeni yardım paketi ayıracaq

Yeni Zelandiya hökuməti Ukraynaya növbəti yardım paketi çərçivəsində 9,5 milyon ABŞ dolları məbləğində vəsait ayıracaq.

Sizinxeber.az xəbər verir ki, bu barədə ölkənin Baş naziri Kristofer Lakson bildirib.

Məlumata görə, bu vəsaitin bir hissəsi silah və pilotsuz uçuş aparatlarının (PUA) alınmasına, digər hissəsi isə humanitar yardım və qaçqınlara dəstəyə yönəldiləcək.

Ümumi yardım paketinin 4,8 milyon ABŞ dolları silah və PUA alınmasına, 4,1 milyon ABŞ dolları isə münaqişədən zərər çəkmiş şəxslərə humanitar yardımın təşkili üçün ayrılacaq. Təxminən 600 min ABŞ dolları Ukrayna vətəndaşlarından ibarət qaçqınlara dəstək məqsədilə nəzərdə tutulur.