Azərbaycanın 20 yaşadək çimərlik voleybolçularından ibarət millisi Avropa çempionatında əsas mərhələyə yüksəlib.

"Report" Azərbaycan Voleybol Federasiyasının mətbuat xidmətinə istinadən xəbər verir ki, qızlardan və oğlanlardan ibarət komandalarımız Polşanın Mislovitse şəhərində keçirilən qitə birinciliyində mübarizəyə iyulun 24-də təsnifat mərhələsindən başlayıb.

Ölkəmizi təmsil edən Nəriman Bayramlı - Muhammad Aslanlı cütlüyü təsnifat mərhələsində Kosovo təmsilçilərinə 2:0 hesabı ilə qalib gəlib, Andoradan olan duetə 1:2, şotlandiyalı rəqiblərinə isə 0:2 hesabı ilə məğlub olub.

Qızlardan ibarət komanda (Səbinə Əlizadə - Lizi Latsabidze) isə təsnifat mərhələsində iki görüş keçirib. Andoranı 2:0 hesabı ilə məğlub edən cütlük Şotlandiyaya 0:2 hesabı ilə uduzub.

Qaydalara uyğun olaraq, qızlardan ibarət komandamız əsas mərhələyə vəsiqə qazanıb, oğlan komandamız isə mübarizəni dayandırıb. Qızlar bu mərhələdə C qrupunda İspaniya, Serbiya və İngiltərə komandaları ilə yarışacaqlar. Qrup oyunları iyulun 25-26-da baş tutacaq. Yarışın qalibləri isə iyulun 28-də müəyyənləşəcək.

Avropa çempionatınqa oğlanlara Joanildo Kosta Junior, qızlara isə Nihad Tarverdiyev rəhbərlik edir.

Qeyd edək ki, Azərbaycanın çimərlik voleybolu tarixində ilk dəfə 18 yaşlı qızlardan ibarət komanda Avropa çempionatında (U-20) əsas mərhələyə yüksəlib.

Oxşar xəbərlər

Azərbaycanın çimərlik voleybolu milliləri Avropa çempionatında iştirak edəcəklər [xfgiven_updateblue][/xfgiven_updateblue]

Azərbaycanın çimərlik voleybolu üzrə milliləri Avropa çempionatında iştirak edəcəklər [xfgiven_updateblue][/xfgiven_updateblue]

Azərbaycanın qızlardan ibarət basketbol millisi Avropa çempionatının yarımfinalına yüksəlib [xfgiven_updateblue][/xfgiven_updateblue]

Azərbaycan millisi Avropa çempionatında bu gün Gürcüstanla qarşılaşacaq [xfgiven_updateblue][/xfgiven_updateblue]

Avropa Kuboku: Azərbaycan millisi təsnifat mərhələsində qrup lideri kimi yarımfinala yüksəlib [xfgiven_updateblue][/xfgiven_updateblue]