Misli Premyer Liqasının XV turu çərçivəsində “Zirə” “Sumqayıt”ı qəbul edib.

“Report” xəbər verir ki, hakim Rəşad Əhmədovun idarə etdiyi matç Zirə İdman Kompleksinin stadionunda baş tutub.

Oyunda hesab erkən açılıb: 8-ci dəqiqədə David Volkovi ev sahiblərinin ilk qoluna imza atıb. 37-ci dəqiqədə isə “kimyaçılar” status-kvonu bərpa ediblər: Nikola Vuynoviç dəqiq olub.

Bununla belə, ikinci hissədə “qartallar” təşəbbüsü ələ keçirərək rəqibi üç dəfə məyus ediblər. 55-ci dəqiqədə “Zirə”nin gürcüstanlı futbolçusu Gorgi Papunaşvili komandasının ikinci qolunu vurub. 67 və 76-cı dəqiqələrdə isə Volkovi fərqlənərək oyunda son nöqtəni qoyub: “Zirə” – 4, “Sumqayıt” – 1.

Oxşar xəbərlər

Azərbaycan Premyer Liqası: I turun son matçında "Zirə" qələbə qazanıb

Premyer Liqa: "Zirə" "Araz-Naxçıvan"a məğlub olub

"Neftçi" Premyer Liqada "Zirə"yə qalib gəlib

Azərbaycan Premyer Liqası: Mövsümün ilk turuna yekun vurulub

Premyer Liqa: "Zirə" "Kəpəz"i məğlub edib