Cəlilabad rayonunda azyaşlı uşaq bədbəxt hadisə nəticəsində həyatını itirib.

APA-nın cənub bürosunun məlumatına görə, hadisə axşam saatlarında rayonun Alar kəndində baş verib. Kənd sakini, 2017-ci il təvəllüdlü N.M həyətdə olarkən üzərinə daş hasar aşıb və uşaq dağıntıların altında qalıb.

Ağır xəsarətlər alan azyaşlı dərhal xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.

Yaxınlarının bildirdiyinə görə, sözügedən hasar uzun müddətdir qəzalı vəziyyətdə idi və yaxın günlərdə təmir olunacağı planlaşdırılırdı.

Məlumata əsasən, hadisə baş verən zaman uşağın atası da həyətdə olub.

Faktla bağlı araşdırma aparılır.

Oxşar xəbərlər

Cəlilabadda daş hasar aşıb, 8 yaşlı uşaq həyatını itirib

Gəncədə 7 yaşlı uşaq xəstəxanada ölüb

Yevlaxda üzərinə hasar uçan 20 yaşlı qadın ölüb

Qusarda qadın üzərinə hasar aşması nəticəsində ölüb

Abşeronda Pakistan vətəndaşlarının üzərinə hasar aşıb, biri ölüb