Azərbaycan və Qazaxıstan bu gün Astanada Xarici İşlər Nazirliklərinin (XİN) nümayəndə heyətlərinin görüşü çərçivəsində gündəlikdəki bir çox aktual məsələləri müzakirə etmək niyyətindədirlər.

“Sizinxeber.az”un Qazaxıstan bürosunun məlumatına görə, bunu Azərbaycan XİN başçısı Ceyhun Bayramov qazaxıstanlı həmkarı ilə geniş tərkibdə danışıqların başlanmasından əvvəl bildirib.

"Bizim hər birimiz üçün Qazaxıstanda olmaq böyük sevinc hissidir. Mən ölkənizə kifayət qədər tez-tez gəlirəm. Bu gün danışıqların gündəliyi kifayət qədər geniş və çox aktualdır", - C.Bayramov bildirib.

Nazir, həmçinin həmkarlarını və bütün Qazaxıstan xalqını müqəddəs Ramazan ayının başlanması münasibətilə təbrik edib.

Öz növbəsində Qazaxıstanın XİN başçısı Murat Nurtleu azərbaycanlı həmkarını və onu müşayiət edən nümayəndə heyətini Ramazan ayında qarşılamaqdan məmnun olduğunu qeyd edib.

"Bu gün geniş spektrli məsələləri, o cümlədən birgə layihələri və Xəzərin problemlərini müzakirə edəcəyik", - o bildirib.

Oxşar xəbərlər

Ceyhun Bayramov qazaxıstanlı həmkarı ilə regional məsələləri müzakirə edib

Ceyhun Bayramov Qazaxıstana gedəcək

Ceyhun Bayramov qazaxıstanlı həmkarı ilə regional məsələləri müzakirə edib - YENİLƏNİB

Ceyhun Bayramov Qazaxıstanın XİN başçısı ilə görüşüb

Ceyhun Bayramov Qazaxıstana rəsmi səfərə yola düşüb