Maykl Ceksonun əzizləri Bakıya gəliblər

"The Jacksons" musiqi qrupunun üzvləri Bakı şəhərində gəzintiyə çıxıb, paytaxtın tarixi məkanlarını ziyarət ediblər.

BAKU.WS Oxu.Az-a istinadən xəbər verir ki, onlar iki gün əvvəl start götürən "DREAM FEST 2024" Beynəlxalq Musiqi Festivalı çərçivəsində Azərbaycana gəliblər.

Xatırladaq ki, ABŞ-də populyar musiqi qrupu olan "The Jacksons" 1964-cü ildən 1990-cı ilə qədər aktiv fəaliyyət göstərib. Məşhur pop ulduzu Maykl Ceksonun qardaşları Ceki, Tito, Cermeyn və Marlonla birlikdə yaratdığı qrup daha çox R&B, soul, pop janrlarında ifa edib. "The Jacksons" 1970-ci illərin ən böyük pop-musiqi fenomenlərindən biri hesab olunur.

PhotoStock.az Bakının küçələrində qrup üzvlərini müşayiət edib və fotoreportaj hazırlayıb:

 

BAKU.WS