Avropa İttifaqının (Aİ) xarici işlər və təhlükəsizlik siyasəti üzrə Ali nümayəndəsi Kaya Kallas təşkilatın xarici işlər nazirlərinin Rusiyaya qarşı sanksiyaların uzadılmasını razılaşdırdığını təsdiqləyib.
“Report” xəbər verir ki, o, bu barədə “X” sosial şəbəkəsindəki hesabında paylaşım edib.
"Aİ xarici işlər nazirləri indicə Rusiyaya qarşı sanksiyaları yenidən uzatmağa razılaşdılar.
Bu, Moskvanı müharibəni maliyyələşdirmək üçün zəruri olan gəlirlərdən məhrum edəcək", - o qeyd edib.
Macarıstan yanvarın 31-də müddəti başa çatan Rusiyaya qarşı sanksiyaların uzadılmasına veto qoymaqdan imtina edib.
Bu barədə "Report" "Euronews"a istinadən xəbər verir.
Beləliklə, Avropa İttifaqı (Aİ) Ukrayna ilə müharibənin başlanmasından sonra Moskvaya qarşı tətbiq edilən sanksiyaları uzada biləcək.
"Macarıstan veto mövqeyindən geri çəkilib və Rusiyaya qarşı Aİ sanksiyalarının əlavə altı ay uzadılmasına icazə verib", - nəşr yazıb.
