Elm və təhsil nazirinin müvafiq əmri ilə yaradılan sertifikatlaşdırma prosesi ilə bağlı komissiyalara bu günə qədər ümumilikdə 3700-dən çox vətəndaş müraciət edib.

Məktəbəqədər və Ümumi Təhsil Agentliyindən "Sizinxeber.az"a verilən xəbərə görə, vətəndaşların sosial statusları ilə bağlı sənədlər toplanıb və müraciətlər araşdırılıb.

Bildirilib ki, ümumilikdə 600 nəfərə yaxın sosial baxımdan həssas əhali qrupuna aid vətəndaşın alternativ işlərə cəlb edilməsi istiqamətində qərar qəbul edilib.

İlkin mərhələdə 90 nəfər şəhid ailəsi üzvünün müvafiq işlə təmin olunması ilə bağlı tədbirlər görülüb.

Bununla yanaşı 500-ə yaxın sosial baxımdan həssas əhali qrupuna aid əlilliyi müəyyən edilmiş şəxslərin, eyni zamanda ailələrin yeganə gəlir gətirən üzvlərinin və müraciət edən digər şəxslərin alternativ işlərə cəlb edilməsi istiqamətində müvafiq işlər həyata keçirilib.

Qeyd edilib ki, təkrar sertifikatlaşdırma imtahanında müvafiq keçid balını toplaya bilməyən təhsilverənlərlə işin təşkili, onların sosial statuslarının mərhələli şəkildə araşdırılması və alternativ iş imkanlarının dəyərləndirilməsi məqsədi ilə yaradılan komissiyalara daxil olmuş müraciətlərin qiymətləndirilməsi prosesi davam edəcək.

Oxşar xəbərlər

Sertifikatlaşdırma prosesi ilə bağlı komissiyalara daxil olmuş müraciətlərin ilkin nəticələri elan olunub

MÜTDA: 90 sosial həssas kateqoriyadan olan müəllim alternativ işlə təmin edilib

Nurlan İsmayılbəyli: 400-ə yaxın müəllimin tədrisdənkənar alternativ işlərlə təmin olunması prosesi gedir

Qarabağda yaşayan ermənilərin qeydiyyatı başladı

Sahil Babayev: "Beş ildə 1 milyon 100 mindən çox vətəndaşa məşğulluq sahəsində xidmət göstərilib"