Qazaxıstan, Çin və Belarus birgə logistika xidmətlərini inkişaf etdirmək barədə razılığa gəliblər.

“Report” xəbər verir ki, bu barədə Qazaxıstanın Nəqliyyat Nazirliyinin məlumat yayıb.

Məlumata görə, bu məqsədlə “Qazaxıstanın “KTZ Express”, Çinin “Xi’an Free Trade Port Construction and Operation Co. Ltd” və Belarusun “Unionway” şirkətləri arasında birgə logistika xidmətlərinin inkişafı üzrə Niyyət Memorandumu imzalanıb. Razılıq bu gün Şanxayda “Transport logistic China 2024” sərgisi çərçivəsində əldə olunub.

Xüsusilə, tərəflər Çin-Avropa marşrutu ilə və əks istiqamətdə daşınacaq yüklərin emalı və paylanılması üçün Belarusun “Svisloch” stansiyasında logistika terminalı yaratmaq barədə razılaşıblar.

“Bu addım nəqliyyat infrastrukturunun inkişafında və Qazaxıstanın tranzit potensialının artırılması üçün yeni imkanların yaradılmasında mühüm mərhələdir”, - Qazaxıstanın Nəqliyyat Nazirliyinin məlumatında vurğulanıb.

Oxşar xəbərlər

Qazaxıstan, Rusiya və Çin Moskva yaxınlığında nəqliyyat qovşağı tikəcək

EIB Orta Dəhlizə dəstək çərçivəsində bu il Qazaxıstanla sazişlər imzalayacaq

Astanada Azərbaycan-Qazaxıstan Birgə Hökumətlərarası Komissiyasının 20-ci iclası keçirilir

Kasım-Jomart Tokayev: “Qazaxıstan Azərbaycanın SPECA-nın inkişafına töhfəsini alqışlayır”

Azərbaycan Prezidenti: “Qazaxıstanın uğurları bizi sevindirir”