Azərbaycanın meyvə-tərəvəz idxalı artıb, ixracı azalıb

Bu ilin yanvar-sentyabr aylarında Azərbaycan 195 milyon 802 min ABŞ dolları dəyərində 256 min 644 ton meyvə-tərəvəz idxal edib.

Bu barədə "APA-Economics"ə Dövlət Gömrük Komitəsindən bildirilib.

Məlumata görə, bu, ötən ilin eyni dövrü ilə müqayisədə müvafiq olaraq 27,8% və 11,7% çoxdur.

Hesabat dövründə meyvə-tərəvəz idxalı ölkənin ümumi idxalının 1,34 %-ni təşkil edib.

Bu dövrdə Azərbaycan 458 milyon 798 min ABŞ dolları dəyərində 439 min 161 ton meyvə-tərəvəz ixrac edib. Bu isə, illik müqayisədə müvafiq olaraq 2,5% və 5,1% azdır.

Doqquz ayda meyvə-tərəvəz ixracı ölkənin ümumi ixracının 2,31%-ni təşkil edib.