Monteneqronun Azərbaycandakı fəxri konsulu Vüqar Əliyev və Serbiya, İtaliyanın Azərbaycandakı səfirlikləri Müstəqillik Günü münasibətilə Azərbaycana təbriklər ünvanlayıblar.

"Sizinxeber.Az" xəbər verir ki, təbrik mesajları "X" sosial şəbəkəsində paylaşılıb.

Monteneqronun Azərbaycandakı fəxri konsulu Vüqar Əliyev 1918-ci ildə müsəlman Şərqində ilk dünyəvi və demokratik respublika kimi Azərbaycan Demokratik Respublikasının yaradılmasının tarixi əhəmiyyətini qeyd edib.

"Biz respublikanın qurucularının xatirəsini yad edir, Azərbaycan xalqının gücünü, birliyini və nailiyyətlərini qeyd edirik. Azərbaycana davamlı sülh, firavanlıq və uğurlar arzulayırıq. Müstəqillik Günü mübarək!", - o əlavə edib.

Serbiya səfirliyi vurğulayıb: "Qardaş Azərbaycan xalqını və hökumətini Müstəqillik Günü münasibətilə təbrik edirik! Arzu edirik ki, bu gün həmişə sülh, əmin-amanlıq və rifah şəraitində qeyd olunsun!".

İtaliya səfirliyi də Müstəqillik Günü münasibətilə Azərbaycan xalqını və hökumətini təbrik edib və ən xoş arzularını ifadə edib.

Oxşar xəbərlər

İsrail səfirliyi: Azərbaycana sülh və rifah arzulayırıq

Qazaxıstan XİN: Azərbaycan xalqına davamlı güc və rifah arzu edirik

İtaliya səfirliyi Azərbaycan xalqını Müstəqillik Günü münasibətilə təbrik edib