Xankəndi yolunda nümayişçilər və sülhməramlılar Fransa-Mərakeş oyununu izləyirlər + FOTO/VİDEO
Xankəndi yolunda nümayişçilər və sülhməramlılar Fransa-Mərakeş oyununu izləyirlər + FOTO/VİDEO

Xankəndi yolunda nümayişçilər və sülhməramlılar Fransa-Mərakeş oyununu izləyirlər + FOTO/VİDEO

 Şuşa-Xankəndi yolunda keçirilən aksiyanın iştirakçıları və Rusiya sülhməramlılarına Qətərdə keçirilən dünya çempionatının Fransa və Mərakeş yığmaları arasındakı yarımfinal oyununu izləməsi üçün şərait yaradılıb. “Report”un aksiyanı işıqlandıran əməkdaşının verdiyi xəbərə görə, onlar ərazidə quraşdırılmış böyük monitor vasitəsilə yarımfinal oyununu izləyirlər. Havanın soyuq olmasına baxmayaraq, hazırda aksiya iştirakçıları ərazidədir. Aksiya iştirakçılarının təhlükəsizliyini əraziyə cəlb edilmiş Azərbaycan Daxili İşlər Nazirliyi Daxili Qoşunlarının (DQ) hərbçiləri və polislər yüksək səviyyədə təmin edirlər. Xatırladaq ki, 2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.  21:58 Şuşa-Xankəndi yolunda aksiya iştirakçıları üçün monitorlar yerləşdirilib. Oxu.Az-ın məlumatına görə, bu barədə görüntülər sosial şəbəkələrdə paylaşılıb. Belə ki, aksiya iştirakçıları futbol üzrə Qətərdə keçirilən Dünya Çempionatına rahat baxsın deyə İTV həmin məkanda oyunu yayımlamaq üçün monitor quraşdırıb. Qeyd edək ki, Qətərdə keçirilən dünya çempionatında bu gün yarımfinal mərhələsinin digər oyunu keçiriləcək. Mundialın son qalibi Fransa millisi turnirin sürpriz komandası olan Mərakeşlə qarşılaşacaq. Qarşılaşma Bakı vaxtı ilə saat 23:00-da başlayacaq.

Sizinxeber.Az

Xankəndi yolunda nümayişçilər və sülhməramlılar Fransa-Mərakeş oyununu izləyirlər + FOTO/VİDEO

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Giriş Yap

Yandex.Metrica
Giriş Yap

Sizinxeber.Az saytınnan daha geniş yararlanmaq üçün daxil olun və ya hesab yaradın tamamilə pulsuzdur!