İran və Tacikistanın müdafiə nazirləri əməkdaşlığın gücləndirilməsini müzakirə edib

İran və Tacikistanın müdafiə nazirləri Tehranda iki ölkə arasında müdafiə sahəsində əməkdaşlığın gücləndirilməsini müzakirə edib.

“Report” xəbər verir ki, məlumatı “Mehr” agentliyi yayıb.

Bildirilib ki, İranın müdafiə və silahlı qüvvələrə dəstək naziri, briqada generalı Əziz Nəsirzadə aprelin 15-də Tehranda Taciksitanın müdafiə naziri Emomali Sobrizodo ilə görüşüb.

İranda Məsud Pezeşkian prezident seçiləndən sonra bu Tacikstan rəsmisinin Tehrana ilk səfəridir.

Məlumata görə, tərəflər siyasi, iqtisadi və hərbi əməkdaşlığın gücləndirməsi məsələlərini müzakirə ediblər.