İstanbulda avtobusun aşması nəticəsində ölənlərin sayı artıb - YENİLƏNİB

İstanbulda Şimali Mərmərə magistralında avtobusun aşması nəticəsində ölənlərin sayı dördə çatıb.

“Sizinxeber.az” xəbər verir bu barədə “TRT Haber” məlumat yayıb.

Qeyd olunub ki, 26 nəfər yaralanıb.

Xəsarət alanlardan 24-nün müalicəsi davam edir, ikisi isə evə buraxılıb.

İstintaq çərçivəsində sürücü saxlanılıb.

İstanbulda Şimali Mərmərə magistralında avtobus aşıb: üç nəfər ölüb, 20 nəfər xəsarət alıb.

Bu barədə “Sizinxeber.az” “TRT Haber”ə istinadən xəbər verir.

"Yerli vaxtla saat 06:15 radələrində Tokatdan Tekirdağa gedən nəqliyyat vasitəsi Sancaktepe Paşaköy bölgəsində sürücünün idarəetməni itirməsi nəticəsində maneəyə çırpılıb", - məlumatda bildirilib.

Xəsarət alanlar yaxınlıqdakı xəstəxanalara çatdırılıblar.

Qəza ilə bağlı araşdırma başladılıb.