Fransanın Gorusda fəxri konsulluğu iyunun əvvəlində açılacaq

Ermənistanın Sünik vilayətinin Gorus şəhərində Fransanın fəxri konsulluğu iyunun 2-də açılacaq.

“Sizinxeber.az” xəbər verir ki, bu barədə Ermənistan KİV-i məlumat yayıb.

Qeyd olunub ki, konsul Gorus Frankofoniya Mərkəzinin rəhbəri Karmen Apunts olacaq.

Xatırladaq ki, Fransanın xarici işlər naziri Jan-Noel Barro mayın 26-da İrəvanda Ermənistanın xarici işlər naziri Ararat Mirzoyanla birgə mətbuat konfransında Gorusda Fransanın konsulluq agentliyinin açılması planları barədə məlumat verib.