Ukrayna Prezidenti Volodimir Zelenski Rusiya – Ukrayna müharibəsində həlak olmuş hərbçilərinin sayının 80 mindən xeyli az olduğunu açıqlayıb.

“Report” xəbər verir ki, bu barədə dövlət başçısı “Kyodo News” müsahibəsində danışıb.

Konkret rəqəm açıqlaya bilməcəyini bildirən dövlət başçısı itkilərin Qərb KİV-də yer alan saydan xeyli az olduğunu vurğulayıb:

“Kimsə bu yaxınlarda, deyəsən, amerikan mətbuatında məlumat vermişdi ki, 80 min ukraynalı ölüb. Amma sizə demək istəyirəm ki, yox, daha azdır, xeyli azdır”.

Prezident qeyd edib ki, söhbət məhz hərbçilərdən gedir, çünki işğal olunmuş ərazilərdəki itkilərin miqyası hələlik mübhəmdir. Onun sözlərinə görə, bura həm mülki əhali, həm hərbçilər, həm də hüquq-mühafizə orqanlarının əməkdaşları və yerli hakimiyyət nümayəndələri daxildir.

“Onların neçəsi ölüb, neçəsi itkin düşüb, neçəsi əsirlikdə zülm görüb – bunu bilmirəm. Buna görə mən yalnız ərazimizdə, nəzarətimizdə olan ərazidə qeydə alınmış hərbi itkilərdən danışıram”, – ölkə başçısı deyib.

Xatırladaq ki, Prezidenti Zelenski eyni müsahibədə rusiyalı həmkarı Vladimir Putinin “sülhlə maraqlanmadığını” bildirmişdi.

Oxşar xəbərlər

Zelenski: Kursk vilayətinin 74 yaşayış məntəqəsi nəzarətimiz altındadır

Zelenski Kurska hücumun məqsədini açıqlayıb

Zelenski: Ukrayna Rusiya ilə danışıqlara başlamağın əleyhinə deyil, amma yalnız bərabər şərtlərlə

Volodimir Zelenski Kupyanskda cəbhə xəttinə gedib

Zelenski bu həftə Radada Ukraynanın qələbə planını təqdim edəcək