Türkiyənin Xarici İşlər Nazirliyi Sudanda baş verən siyasi gərginlik və bundan yaranan humanitar böhranla bağlı bəyanat yayıb.

"Report" xəbər verir ki, nazirlik bəyanatında Türkiyənin Sudandakı humanitar vəziyyət və Əl-Cəzirə əyalətində mülki əhalini hədəf alan, humanitar hüquqa zidd hücumlardan dərin narahatlıq keçirdiyini vurğulayıb.

Bildirilib ki, atəşkəs təxirə salınmadan təmin edilməli, sülh və sabitlik mühiti yaradılmalıdır. Bəyanatda yerindən didərgin edilmiş insanların evlərinə qayıtması və humanitar yardım fəaliyyətlərinin dayanmadan həyata keçirilməsi istiqamətində tədbirlərin dərhal görülməsi üçün çağırış edilib.

Mətndə qeyd olunub ki, Türkiyə Sudanın suverenliyi, müstəqilliyi, ərazi bütövlüyü və birliyini ən güclü şəkildə dəstəkləyir, eləcə də Sudan xalqının çəkdiyi əziyyətin yüngülləşdirilməsi üçün zəruri humanitar yardımlarını davam etdirəcək.

Oxşar xəbərlər

İsrail Qəzzanın mərkəzində humanitar fasilə elan edib

OCHA: Dünyada öldürülən humanitar yardım işçilərinin sayı son dərəcə artıb

KİV: ABŞ fələstinlilərə humanitar yardım üçün 330 milyon dollardan çox vəsait ayıracaq

Çin İsraili beynəlxalq humanitar hüquqa riayət etməyə çağırıb

İsrail Qəzza zolağına göndərilən bütün humanitar yardımları yoxlayacaq