Ukrayna hökuməti Gürcüstan səfirinin ölkədən çıxarılması qərarına yenidən baxmalıdır.

"Report"un yerli bürosu xəbər verir ki, bunu Gürcüstanın baş naziri İrakli Kobaxidze deyib.

Onun sözlərinə görə, hazırda Gürcüstan-Ukrayna münasibətlərində nəzərdən keçirilməli olan nəsə varsa, bunu Ukrayna hökuməti etməlidir.

“Ukrayna hakimiyyəti Gürcüstan səfirinin ölkədən çıxarılması qərarına yenidən baxmalıdır. Çünki bu, dostluğa zidd addımdır”, - Kobaxidze bildirib.

Baş nazir xatırladıb ki, Ukrayna hakimiyyəti Rusiya ilə münaqişənin başlamasının beşinci günü Gürcüstan səfirini ölkədən çıxarmışdı. Buna səbəb kimi Gürcüstanın Rusiyaya qarşı sanksiyaların tətbiqindən və oraya könüllülər göndərməkdən imtina etməsini göstərmişdi.

Oxşar xəbərlər

Kobaxidze: Gürcüstan ABŞ-yə münasibətlərin bərpasını təklif edib

Kobaxidze: Aİ-yə üzvlüklə bağlı danışıqlara başlamaq Gürcüstan üçün vacib deyil

Hakim partiyanın sədri: “Gürcüstan Moldova və Ukraynadan əvvəl Aİ-yə daxil olacaq”

Kobaxidze: Müxalifət seçkilərdə qalib gəlsə, Gürcüstan “ikinci cəbhə”yə çevriləcək

İrakli Kobaxidze: Azərbaycan-Gürcüstan münasibətləri çox möhkəm təməl üzərində qurulub