Hakan Fidan: Aİ-yə üzvlük Türkiyə üçün strateji hədəfdir - YENİLƏNİB

Türkiyə ilə Avropa İttifaqı (Aİ) arasında xarici siyasət, ticarət, miqrasiya və viza məsələləri müzakirə olunub.

"Sizinxeber.az" xəbər verir ki, bu barədə Türkiyənin xarici işlər naziri Hakan Fidan "X" sosial şəbəkə hesabında yazıb.

"Yaxın Şərq və Rusiya-Ukrayna müharibəsindəki vəziyyət başda olmaqla, cari regional və qlobal məsələləri dəyərləndirdik", H. Fidan Avropa diplomatiyasının rəhbəri Kaya Kallas, Aİ komissarları Marta Kos və Maqnus Brunner ilə görüşün yekunlarına dair bildirib.

Onun sözlərinə görə, Aİ-yə üzvlük Türkiyə üçün strateji hədəf olaraq qalır: "Aİ ilə münasibətlərimizi bu anlayış əsasında inkişaf etdirməyə hazırıq.

Aİ-nin də Türkiyə ilə olan münasibətlərini obyektiv meyarlar və ləyaqət əsasında, ayrı-seçkilik etmədən irəlilətməsini gözləyirik".

Avrupa Komisyonu Başkan Yardımcısı / AB Dış İlişkiler ve Güvenlik Politikası Yüksek Temsilcisi Sayın Kaja Kallas, Genişleme Komiseri Sayın Marta Kos ve İçişleri ve Göç Komiseri Sayın Magnus Brunner’i bugün ülkemizde ağırlamaktan memnuniyet duyduk.

Yaptığımız görüşmelerde, dış…

— Hakan Fidan (@HakanFidan) June 30, 2026

20:56

Türkiyənin xarici işlər naziri Hakan Fidan Ankarada Avropa İttifaqının (Aİ) rəsmiləri ilə görüşüb.

"Sizinxeber.az" xəbər verir ki, bu barədə "TRT Haber" məlumat yayıb.

"H. Fidan, Avropa diplomatiyasının rəhbəri Kaya Kallas, Aİ komissarları Marta Kos və Maqnus Brunner ilə bir araya gəlib", - məlumatda bildirilib.

Görüşün müzakirə mövzuları hələ açıqlanmır.

Daha əvvəl Türkiyə Prezidenti Rəcəb Tayyib Ərdoğan Almaniya Kansleri Fridrix Merts ilə telefon danışığı zamanı NATO liderlərindən Avropanın müdafiəsinin gücləndirilməsinə dair qəti siyasi iradə gözlədiyini bildirib.