Ermənistana təbii qaz təchizatı müvəqqəti olaraq dayandırılacaq.

“Report” erməni KİV-lərinə istinadən xəbər verir ki, bu barədə "Qazprom Armenia"nın məlumatında bildirilib.

"Gürcüstan ərazisində "Şimali Qafqaz - Cənubi Qafqaz" tranzit magistral qaz kəmərinin "Qazax-Saquramo" (DN 1000) hissəsində qəza-bərpa işlərinin aparılması zərurəti ilə əlaqədar olaraq 24 iyul saat 07:00-dan 26 iyul saat 19:00-dək Ermənistana təbii qaz təchizatı müvəqqəti olaraq dayandırılacaq", - məlumatda qeyd olunub.

Bildirilib ki, qeyd olunan müddət ərzində daxili ehtiyatlar və İrandan əlavə həcmdə təbii qaz tədarükü hesabına respublikanın istehlakçılarının qazla fasiləsiz və etibarlı təchizatı məhdudiyyətsiz həyata keçiriləcək.

Oxşar xəbərlər

Gürcüstandan Ermənistana qaz nəqli müvəqqəti dayandırılacaq

Rusiyadan Ermənistana təbii qazın nəqli dayandırılır

Naxçıvanın bir hissəsində qaz təchizatı dayandırılacaq

Bu gün Binəqədidə qaz təchizatı dayandırılacaq

Bakının iki rayonunun bəzi ərazilərində qaz olmayacaq