Rusiyanın "Baza" teleqram kanalının baş redaktoru Qleb Trifonov və kanalın prodüseri Tatyana Lukyanova üçün 12 ilədək azadlıqdan məhrumetmə təhlükəsi var, onlar qrup şəklində böyük məbləğdə rüşvət verməkdə ittiham olunurlar.

“Report” xəbər verir ki, bu barədə TASS mənbəyə istinadən məlumat yayıb.

Bildirilib ki, Q.Trifonova Rusiya Cinayət Məcəlləsinin 291-ci maddəsinin 4-cü hissəsi (vəzifəli şəxslərə rüşvət vermə) ilə ittiham irəli sürülüb. Bu maddənin sanksiyası 1 milyondan 3 milyon rubladək cərimə, 7 ildən 12 ilədək azadlıqdan məhrumetmə və digər cəzaları nəzərdə tutur.

“Baza”nın prodüseri T.Lukyanovaya da oxşar ittiham irəli sürülüb. Q.Trifonov və T.Lukyanova günahlarını qəbul etmirlər.

Oxşar xəbərlər

“Baza”nın beş əməkdaşından ikisi ittiham irəli sürülmədən sərbəst buraxılıb - YENİLƏNİB

Krasnoyarsk meri böyük məbləğdə rüşvət almaqda ittiham olunur

Serj Sarqsyana qarşı rüşvət alma ittihamı irəli sürülüb

Əziz Orucova qarşı yeni ittiham irəli sürülüb

Azan əsgərimiz İrəvanda həbs edildi - Bunda ittiham edilir