İsrail-İran gərginliyi səbəbindən İran vətəndaşlarının Azərbaycanda qalıb ölkəyə qayıda bilməməsi barədə səfirliyə müraciət olmayıb.

Bunu “Report”un sualına cavab olaraq İranın Azərbaycandakı səfirliyinin müvəqqəti işlər vəkili Seyid Cəfər Ağayi mətbuat konfransında deyib.

O qeyd edib ki, mövcud gərginlikdən sonra İran dərhal Azərbaycan rəsmiləri ilə əlaqə qurub:

“Azərbaycan bununla bağlı köməyə hazır olduğunu bildirdi. Sərhəddən keçidlə bağlı lazımi addımlar atıldı. Ancaq vətəndaşlarımızın ölkəyə qayıda bilməməsi barədə bizə müraciət olunmayıb. Müraciətlər sadəcə Azərbaycandakı iranlı tələbələr tərəfindən edilib və onların da gedib-qayıtmasına şərait yaradılır”.

Diplomat bəyan edib ki, hücumlar başlayandan sonra heç bir İran vətəndaşı ölkəni tərk etməyib:

“İran sərhəddə təhlükəsizliyi təmin etmək istiqamətində fəaliyyətini davam etdirir. Həmçinin Azərbaycanın İrandakı və İranın Azərbaycandakı səfirliklərinin fəaliyyəti də davam etdirilir”.

Oxşar xəbərlər

Müvəqqəti işlər vəkili: İran diplomatiya yolunu tərk etməyib

Azərbaycanın İrandakı səfirliyi fəaliyyətini davam etdirir

Müvəqqəti işlər vəkili: İsrail müharibəni dayandırsa, biz də dayanacağıq

Müvəqqəti işlər vəkili: İrana hücum BMT Nizamnaməsinin pozulmasıdır

Azərbaycan XİN: İran və İsraildəki səfirliklər fəaliyyətini davam etdirir, ölən və yaralanlar arasında vətəndaşlarımız yoxdur