İsrailin Şərqi Azərbaycan ostanına endirdiyi zərbələr nəticəsində 30 nəfər ölüb

İranın şimal-qərbində yerləşən Şərqi Azərbaycan ostanında İsrailin aviazərbələri nəticəsində azı 30 əsgər və Qızıl Aypara cəmiyyətinin bir işçisi ölüb.

"Sizinxeber.az" ISNA-ya istinadən xəbər verir ki, bu barədə əyalətin qubernatoru məlumat verib.

Qeyd olunub ki, daha 55 nəfər xəsarət alıb.

Bundan əvvəl İsrailin Şərqi Azərbaycan ostanına endirdiyi zərbələr nəticəsində 18 nəfərin öldüyü bildirilirdi.

Ostanda vəziyyətin stabil olduğu, infrastruktur obyektlərinin normal fəaliyyət göstərdiyi, əhaliyə xidmətin fasiləsiz olaraq davam etdiyi vurğulanır.